آمريڪا جوشروع ڪيل هڪ سهڪاري پروگرام ، جنهن جو مقصد ڪئريبين خطي جي 28 ملڪن سان معاشي سهڪار ۽ واپاري ناتن ۽ امداد کي وڌائي خطي ۾ موجود انقلابي تحريڪن جو زور گهٽائڻ هئو. 1983ع واري ”ڪئريبين بيسن ايڪنامڪ ريڪورس ايڪٽ“ هيٺ 12 سالن لاءِ خطي جي ڪيترين ئي شين تي آمريڪا ۾ درآمد تي محصول ختم ڪيو ويو. پر اڳتي هلي ان مُدي کي وڌائي ”ڪسٽم اينڊ ٽريڊ ايڪٽ“ (آگسٽ 1990ع) تحت اڳ ڏنل سهولت کي مستقل ڪيو ويو. علائقي جا 28 ملڪ اينٽيگئا، بر بودا، بهاماس، بارباڊوس، بيليز، برٽش وِرجن آئيلينڊ، ڪوسٽاريڪا، ڊومنيڪا، ايلسلواڊور، گرينيڊا، گوئٽيمالا، گيانا، هونڊوراس، جميڪا، مونتسيرات، هالينڊ، اينٽليز، نڪاراگئا، پاناما، سينٽ ڪرسٽوفر، نيوس، سينٽ لُوسيا، سينٽ ونيسٽ ۽ گرينا ڊائينز، ٽرينيڊاڊ ۽ ٽوباگو هن تنظيم ۾ شامل آهن. اينگئيلا، ڪيمن آئلينڊ، سرينام، ٽرڪس ۽ ڪائيڪوس ٻيٽ انهيءَ تنظيم جي ميمبريءَ لاءِ اهل آهن، پر انهن ڪا درخواست جمع نه ڪرائي آهي